Pas një jave ndërpreje të kampionatit shqiptar për shkak të bojkotit të arbitrave dhe ndryshimit të kalendarit nga sektori i garave në FSHF sot në orën 17.00 rikthehen ndeshjet e Kategorisë Superiore.
Përballja e sotme për javën e 25-të është ajo mes Skënderbeut dhe Kukësit, dy skuadra që vitet e fundit kanë rivalizuar për titullin kampion.
Prej javësh Skënderbeu është përfshirë në një krizë rezultatesh, ndërsa kuksianët kanë si synim titullin kampion por që I duhen pikë të plota në ndeshjen e radhës.