Champions League do të nisë në ndeshjen e nesërme fazën e saj më emocionuese, atë me eliminim direkt, teksa do të luhen ndeshjet Lajpcig-LIverpul dhe Barcelona-PSG. Por, në këto sfida do të ketë edhe një risi që lidhet me topin që do të përdoret nga nesër deri në fund të kompeticionit.
Adidas ka menduar për një risi, duke qenë se bëhet fjalë për 20-vjetorin nga hera e parë kur u përdor topi me yje. Kështu, koncepti i ri përfshin një referencë nga 20 finalet e luajtura në këtë kompeticion, ndërsa është inspiruar nga logo e Champions League.
Tashmë, mbetet për t’u parë nga kjo fazë e në vazhdim të kompeticionit se cila prej skuadrave do të ketë më shumë fat me këtë dizajn të ri.