Rita Ora do të kthehet sot sërish në vendlindjen e saj. Këngëtarja shqiptare me famë botërore po vjen sot në Kosovë, për vizitën që më herët ajo vetë e ka lajmëruar.
Rita po vjen në Kosovë tani si ambasadore, pasi ajo me projektin më të fundit ka vendosur që t’i dalë në krah grave që janë viktima të dhunës.
Ajo ka bashkëpunuar me firmën e njohur ndërkombëtare, Escada, për të cilët ka dizejnuar disa çanta ndërsa 15 euro nga shitja e çdo çante do të ndahen pikërisht për Kosovë.
28-vjeçarja do të qëndrojë tre ditë në vendlindje në kuadër të një misioni bamirëse dhe do të takohet me viktimat e dhunës seksuale.
