Bashkia e Tiranës ka rehabilituar bustin e Mit’hat Frashërit në Parkun e Liqenit, i cili u dëmtua gjatë natës nga persona të paidentifikuar.
Kryebashkiaku Erion Veliaj, ndërsa ka publikuar fotot e bustit të rikthyer në gjendjen e mëparshme, paralajmëron se nuk do të tolerohen vandalizmat në qytet.
“Rehabilitohet busti i Mithat Frasherit ne Parkun e Liqenit. Zero tolerancë për vandalizimin ne qytetin tonë! Një pakice e dhunshme dhe ndotëse tek Skënderbeu, Ismail Qemali, Monumenti i Pavaresise apo Mit’hat Frashëri nuk do t’i imponohet kurrë shumicës qytetare dhe europiane”, shkruan Veliaj.
