Ish-anëtari i Këshillit Kommbëtar të PD, Roland Bejko beson se Partia Demokratike do të futet në izolim total nëse Sali Berisha do të vijë në krye të saj. Ai shpjegoi se një “non grata” nuk do të mund të pranohet kurrsesi nga ndërkombëtarët si kryetari i një partie dhe për rrjedhojë do të dëmtohet PD.
“PD nuk ka një bari, nuk ka një grup të unifikuar, të kryejë detyrat e tyre. PD e pengon Berisha të unifikohet, sepse i bën hezitues deputetët. Deputetët nuk mund të jetë pjesë e Berishës, sepse nëse do të jetë zyrtarisht kreu i PD, ne do të shikojmë që SHBA do të njoftojnë që nuk e njohin Berishën si kryetar dhe do të shkëpusin marrëdhënien me PD. PD do të futet në izolim të plotë. Deputet nuk mund t’i bashkohen Berishës. Kjo i intereson Ramës. Ka deputetë që dyshojnë që Alibeaj është në grupin e Bashës”, tha ai.