Një ndër rolet e preferuara të Visjan Ukcenajt në “Klanifornia” është ai i “laçjanit”, por shpeshherë aktori i humorit është akuzuar se ka kopjuar Bes Kallakun. Ky i fundit ka qenë i pari që e ka realizuar një rol të ngjashëm dhe prandaj të gjithë menduan se Visjani ishte frymëzuar nga Besi. Mirëpo i ftuar ditën e sotme në emisionin “Rreze Dielli”, Visjani ka treguar se ka punuar shumë për këtë rol që të mos ngjasonte me të Besit. Ndër të tjera aktori ka thënë se mes tij dhe Kallakut nuk ka rivalitet për shkak të kësaj gjëje.
“Nuk kemi asnjë rivalitet me Besin. Sfida ka qenë e imja, Besi e ka bërë para meje një ‘laçjan’, është një personazh shumë i suksesshëm, dhe sfida ime ishte të bëja një personazh që nuk ka lidhje me Besin dhe po t’i vësh bashkë, janë të ndryshëm”, ka thënë Visjani. Më pas ai ka shtuar se Besi është një mik shumë i mirë dhe se i vjen keq që për shkak të tërmetit, filmi i tij ‘Falco’ nuk mori vëmendjen që meritonte.
Visjani ka treguar se edhe me kolegët e “Klanifornia” ka një raport shumë të mirë dhe madje ka thënë me shaka se nëse do të ishte grua mikun e tij, Egin, do e kishte marrë për burrë.