Teksa ishin të ftuar sot në emisionin e mëngjesit “Wake Up”, vëllezërit Veshaj kanë folur si për jetën e tyre, ashtu edhe për emisionin më të ri në Top Channel i cili drejtohet nga ata.
NMes të tjerash, Donaldi dhe Romeo zhvilluan së bashku edhe një lojë, ku u pyetën rreth detajeve të jetës sentimentale të njëri-tjetrit.
Kështu, Romeo u pyet në një moment nga moderatori se a e dinte se kur ka qënë për herë të parë i lidhur zyrtarisht Donaldi.
Nga ana e tij, Donaldi tha se nuk e mbante mend, por vëllai i tij u përgjigj duke thënë se kishet qenë 13 vjeç dhe se në atë moshë ka qenë një donzhuan i vërtetë, ku femrat i shkonin pas.
Kohët e fundit, sidomos pas daljes nga shtëpia e “Big Brother VIP”, Donaldi ka qenë shumë i përfolur për jetën e tij private pasi ai i dha fund lidhjes me këngëtaren Beatrix Ramosaj, teksa ka shprehur dëshirën për një rikthim në krahët e ish-të dashurës së tij, prezantueses Bora Zemani.