Paparacët e medias rozë nëpër botë çfarë nuk bëjnë për të kapur një lajm ‘scoop’ aq sa shumë herë janë sulmuar dhe nga njerëzit publikë.
Ronaldo Sharka, gazetari 21-vjeçar është një prej atyre gazetarëve të medias rozë që për të kapur lajmin ka ndjekur këmba-këmbës Alfion dhe Fatmën, një nga çiftet më të dashura të ekranit.
I ftuar në “Late Night Show”, ai ka thënë se për të patur ekskluziv lajmin asokohe të pazbuluar të lidhjes së moderatores së “IN Tv” me shefin e kuzhinës, i ka ndjekur nëpër lokalet ku shkonin bashkë, madje deri në Skrapar ku ata shkonin për pushime sportive.
I pyetur nga Kastro Zizo nëse i ka ndjekur në lokalet ku rrinin, ai pohoi dhe tha:
“Po, deri në një sport që bënin diku nga Skrapari. Sigurova edhe foto që ishin bashkë.” Lajmi për marrëdhënien e Fatma Methasanit me Alfio Rrotanin, u bë publik rreth dy vite më parë. Ata nuk e pranuan deri në tetor të vitit të kaluar. “Lumturia është te gjërat e vogla”, shkruajti Alfio në postimin e parë bashkë.