Zonja e Parë e Francës, Brigitte Macron dhe Emmanuel Macron kanë një diferencë gati 25 vite me njëri-tjetrin.
Macron ishte 15 vjeç kur ra në dashuri me Brigitte, e cila, asokohe 40 vjeçe, jepte mësime për dramë në shkollën katolike.
Në një rrëfim të rrallë personal, 70-vjeçarja shpjegoi se e shtyu martesën me Macron për gati një dekadë sepse kishte frikë se kjo do të shkatërronte jetën e fëmijëve të saj, të cilët janë rreth të njëjtës moshë me Macron.
“Romanca” e nisur mes tyre shkaktoi skandal në provincë. Si rezultat, prindërit e Emmanuel Macron e dërguan atë në Paris për të ndjekur një shkollë tjetër, por dëshira e tij për të qenë me mësuesen e tij dhe synimi për të mbajtur një marrëdhënie me të ishte shumë e madhe.
Brigitte dha dorëheqjen nga puna, por, sipas saj, e vetmja gjë që e pengoi atë të bashkohej zyrtarisht me Macron ishte mendimi i fëmijëve të saj, pasi ajo nuk donte t’u “shkatërronte jetën”.
“Mu deshën 10 vjet. Por nuk doja të humbisja rastin për të jetuar e lumtur”, tha ajo.
Çifti u martua në vitin 2007, pas divorcit të Brigitte nga burri i saj Andre-Louis Ozier.