“Kam menduar të vras veten për faj të drogës dhe fantazmave”, ka qenë rrëfimi i fundit i këngëtarit Robbie Uilliams në një intervistë.
Këngëtari, ish pjestar i grupit “Take That” u përqëndrua në një periudhë të vështirë të jetës së tij në fillim të viteve ’90.
Në atë kohë ai jetonte me të dashurën e tij në një shtëpi në veri të Londrës. “E kuptova menjëherë se ajo shtëpi ishte një vend i çuditshëm, kishte një energji të errët. Për shembull magnetofoni u ndez, dhe dyert që ishin të mbyllura u hapën vetë. Në atë kohë isha 20 vjeç dhe gjithmonë në efektin e kokainës. Nëse isha në shtëpi dëgjoja hapa në shkallë. Dhe gjërat po përkeqësoheshin gjithmonë e më shumë. Ish e dashura ime mendonte se ishte shpirti i gjyshit të saj. Në makinë dëgjoja lëvizje në sediljen e pasme. Pas dy muajve kështu, nuk mund të ecja më para, dhe isha i bindur se nëse kjo torturë do të vazhdontë duhet ti jepja fund”, ka rrëfyer Robbie.
Këngëtari thotë se më vonë kishte zbuluar se në atë zonë shekuj më parë ishin varrosur njerëzit që vdisnin nga murtaja.