Sipas asaj që shkruan “CNN“, autoritetet lokale në Mariupol kanë paralajmëruar se ekziston një rrezik i lartë i përhapjes së epidemive, referuar këtu kushteve të llahtarshme sanitare në pjesën dërrmuese të qytetit, si dhe faktit se ndoshta mijëra trupa janë ende të shpërndarë nëpër rrugë.
Luftimet e ashpra për ditë e ditë të tëra kanë bërë që rreth 100,000 njerëz të qëndrojnë ende të bllokuar në Mariupol, ndërsa ndjejnë edhe mungesën e furnizimit me ujë. Këshilli i qytetit njoftoi të enjten se ekzistonte rreziku i kolerës, dizenterisë dhe Escherichia coli – një infeksion bakterial ky që mund të shkaktojë dhimbje të forta stomaku, diarre dhe probleme të veshkave.
Këshilli i qytetit tha se kushtet e jetesës që do të përkeqësoheshin me rritjen e temperaturave.
“Tashmë temperaturat kanë arritur në 20 gradë. Në qytet mund të shpërthejnë epidemi vdekjeprurëse për shkak të mungesës së furnizimit me ujë dhe kanalizimeve, dekompozimit të mijëra kufomave nën rrënoja dhe mungesës katastrofike me ujë të pijshëm dhe ushqimit”.
“Pushtuesit nuk mund t’i sigurojnë popullit ushqim, ujë dhe ilaçe. Ata kanë bllokuar të gjitha përpjekjet për evakuim. Dhe pa këtë, njerëzit do të vdesin.
Në fund të fundit, tani në kushtet e rrënuara të jetesës mesjetare të Mariupolit nevojitet evakuim i menjëhershëm dhe i plotë,” tha kryetari i bashkisë së Mariupolit Vadym Boychenko.