Pas 40 ditësh, katër fëmijë të zhdukur pas rrëzimit të një avioni në xhunglën e Kolumbisë, janë gjetur të gjallë.
Fëmijët u shpëtuan nga ushtria pranë kufirit midis provincave kolumbiane të Caqueta dhe Guaviare, afër vendit ku u rrëzua avioni i vogël me të cilin po udhëtonin.
Avioni i vogël “Cessna 206” po transportonte shtatë persona dhe papritur raportoi një alarm për dështimin e motorit në orët e hershme të mëngjesit të 1 majit.
Tre të rritur, përfshirë pilotin dhe nënën e fëmijëve, vdiqën në përplasje dhe trupat e tyre u gjetën brenda avionit. Vëllezërit e motrat, 13, 9, 4 vjeç, si dhe një foshnjë tani 12-muajshe i mbijetuan përplasjes.
Misioni për të gjetur katër vëllezërit e motrat, i quajtur Operacioni Shpresa, tërhoqi vëmendjen e kolumbianëve pasi raportet e të dhënave për vendndodhjen e tyre, nxitën dëshirën që ata të gjendeshin të sigurt, pavarësisht se do të kalonin më shumë se një muaj në xhunglën jomikpritëse.