Tirana është qyteti ku janë regjistruar me shumë krime seksuale për vitin 2021 ndërsa pas saj vijnë rrethet Elbasan, Berat, Durrës dhe Fier.
Ndërsa rrethet që nuk kanë pasur asnjë procedim për veprat e kësaj natyre janë Përmeti dhe Tropoja.Sipas raportit vjetor të prokurorisë së Përgjithshme gjatë vitit 2021 krimet seksuale kanë pësuar një rritje, në masën 16,18 % krahasuar me vitin 2020.
Koeficienti i kriminalitetit për 100,000 banorë për këtë grup veprash në vitin 2021 është 5,58 ndërsa në vitin 2020 ka qenë 4,78.
96,7 % e të pandehurve që kanë kryer këto krime janë meshkuj dhe 3,3 % janë femra.Autorët e këtyre ngjarjeve rezultojnë me arsimin 9-vjeçar e në 64,8 % të tyre ndërsa, 30,5 % me arsim të mesëm dhe 4,7 % me arsim të lartë.
Shumica e tyre janë të papunë në masën 92,65 % ndërsa 7,35 % janë të punësuar në sektorin privat ndërkohë asnjë i pandehur nuk është i punësuar në sektorin shtetëror.
Po kështu gjatë vitin 2021 vihet re rritje e numrit të procedimeve për veprën penale “Marrëdhënie seksuale ose homoseksuale me të mitur”, prej 16,64 % në krahasim me vitin 2020.
Të pandehurit që kanë kryer këto krime janë me arsim deri 9-vjeçar, 92,65 % janë të papunë dhe 12,1 % janë të dënuar për vepra të tjera.
77,27 % të viktimave janë të mitur-nën 18 vjeç) dhe 1,78 % të rritur.
Nga viktimat e mitura, 5,88 % janë meshkuj dhe 94,12 % janë femra.