Sot në orën 18:00 u hap për trafik i plotë aksi prej 13 km Morinë-Kukës.
“Punimet për fillimin e dublimit të viadukteve (ura) kanë filluar që në vitin 2009, me mungesa të theksuara në projektin fillestar, problematika teknike e ligjore, të cilat më në fund u zgjidhën falë punës së palodhur e përkushtimit serioz të stafit të ARRSH dhe Kontraktorit” thuhet në deklaratën e ministrisë së Infrastrukturës.
Në vitin 2018 ARRSH hartoi një projekt të veçantë për ta bërë rakordimet infrastrukturore dhe lidhjen e segmentit rrugor Kukës-Morinë (krahu i majtë), i cili edhe pse i ndërtuar në vitin 2009, projekti i asaj kohe nuk kishte të parashikuar lidhjen e kësaj rruge me 7️ viaduktet e dubluara.
Sot kemi një segment të ri të Rrugës së Kombit, me standarde e parametra teknikë, të cilët mundësojne lëvizje më të shpejtë dhe siguri të lartë.