Rruga Elbasan-Qafë Thanë është në fazën e dytë, kryeministri Rama publikon fotot nga punimet

Kantieri për zgjerimin e rrugës Elbasan-Qafë Thanë ndodhet në fazën e dytë. Kryeministri Edi Rama ka postuar në rrjetet sociale foto nga puna, ku thotë se aktualisht ka përfunduar shpimi dhe betonimi i 400 pilotave. Ndërkohë vijon puna për realizimin e mbrojtjes lumore dhe për ndërtimin e veprave të artit dhe mureve mbajtëse. “Aksi rrugor Elbasan-Qafë Thanë është pjesë e Korridorit VIII dhe konsiderohet një nga më të rëndësishmit në vend, rrugë e cila do të lidhë Durrës–Elbasan–Librazhd-Qafë Thanë, për të vazhduar më tej në Maqedoninë e Veriut dhe Bullgari”,-shkruan Rama.