Ish-deputetja e Partisë Demokratike Rudina Hajdari, deklaroi në emisionin “Open” se pritshmëritë e republikanëve ishin tepër të larta, por ato nuk u përmbushën sipas saj për shkak të vendimit të gjykatës së lartë për abortin.
Hajdari deklaroi gjithashtu se republikanit Ron DeSantis, i cili fitoi thellë në Florida, përflitet se do të jetë një nga kandidat për president në vitin 2024 në radhët e republikanëve. Ajo shtoi se gara presidenciale e vitit 2024 nuk pritet të jetë në favor të presidentit aktual Joe Biden nëse kandidon.
“Republikanët prisnin më shumë, por nuk mendoj se rezultati është aq i keq saç pretendohet. Arsyeja kryesore pse republikanët pësuan humbje ishte prej vendimit të gjykatës Supreme për abortin. Pati ndikim në shumë vende. Çështje të tjera si ekonomia, emigracioni, krimi, të gjitha këto shkonin në favor të republikanëve. Nga ana tjetër politika është strategji dhe është dhe në favor të demokratëve që Dhoma përfaqësues të ketë dominancë të republikanëve dhe Senati të jetë 50 me 50. Desantis i cili ka fituar me diferencë të madhe, thuhet se ai është një nga kandidatët për president në zgjedhjet e ardhshme. 2024 nuk është në favor të Biden”, tha ajo.