Anëtarja e Këshillit Politik, Rudina Hajdari, ka treguar detaje nga mbledhja e zhvilluar sot. Hajdari tha se është rënë dakord për votën e diaporës, por shtoi se në Kuvend do të bëhen detajimet e vendimit. Po ashtu deputetja e opozitës u shpreh se në Kuvend do të diskutohet dhe për ndryshimin e sistemit.
“Në këtë tryezë doli një lajm i mirë, për të zbatuar atë dëshirë të diaporës për të votuar në Shqipëri. Në mënyrë se si do zbatohet është akoma për t’u parë. Tani është përgjegjësia e qeverisë dhe janë shumë akte nënligjore për tu bërë. Sot është miratuar në parim dhe është për tu përshëndetur.
I gjithë drafti do të bëhet pjesë e komisionit të Reformës Zgjedhore dhe do të fusim dhe elementë të tjerë që është ndryshimi i sistemit zgjedhor. PD nuk pranoi që të kishim dakordësi këtu për ndryshimin e sistemtit. Tani do i ngelet Kuvendit për të disktuar për sistemin dhe ka ende shpresë për arritjen e kësaj kërkesë”, tha Hajdari.