Thuhet se sulmi i rusëve ndaj personave që prisnin në radhë për bukë mund të konsiderohet si një krim lufte.
Duke cituar “Amnesty International”, “The Guardian” shkruan se një sulm ajror në qytetin Chernihiv që thuhet se vrau disa civilë ukrainas teksa prisnin në radhë për bukë, mund të konsiderohet si një krim lufte.
Në datën 3 mars, rreth orës 12:15, një shesh u godit nga bombardime të shumta, duke vrarë civilë dhe duke dëmtuar ndërtesa të shumta.
Sipas një hetimi nga OJQ-të është përfunduar se sulmi ka të ngjarë të ketë qenë sulm ajror rus që përdori të paktën 8 bomba ajrore të njohura ndryshe si “bomba memece.”
Alina, një studente 21-vjeçare tha për Amnesty International:
“Dëgjova një zhurmë shumë, shumë të fortë dhe ndjeva se ndërtesa jonë po lëkundej. Dukej sikur pallati do shembej. Dhe më pas, pas dy sekondash, pash se xhamat u thyen. Ndërtesa jonë u lëkund shumë. Kur dëgjova zhurmën, thirra gjyshen. U shtrimë në tokë, kjo gjë me shumë mundësi na shpëtoi jetën”, u shpreh 21-vjeçarja.
Ajo tha se prindërit e saj, të cilët gjithashtu i mbijetuan sulmit, kishin qenë në radhë duke pritur për bukë momentin e sulmit, për fat të mirë ata vendosën të largoheshin sepse radha ishte e gjatë”, tha studentja nga Ukraina.