Teksa konflikti në Ukrainë është duke u zhvilluar, Rusia ka vendosur flamurin sovjetik në pjesë të ndryshme të Ukrainës, të cilat janë pushtuar.
Ky flamur i fitores sovjetike është përdorur që nga Lufta e Dytë Botërore dhe ka filluar të shfaqet nëpër zonat e okupuara të Ukrainës, përpara festimit të Ditës së Fitores së Luftës së Dytë Botërore të Rusisë më 9 maj.
Flamuri i kuq, i valëvitur mbi Rajhstagun e Berlinit më 9 maj 1945, kur nazistët u dorëzuan te sovjetikët mban simbolet sovjetike me çekiç dhe drapër. 9 maji është bërë që atëherë një festë e nderuar në Rusi dhe flamuri një ikonë e rëndësishme.
Trupat ruse ngritën një flamur të madh si pjesë e një marifeti të organizuar propagandistik në Khersonin e pushtuar. Videot propagandistike të publikuara të mërkurën nga separatistët e mbështetur nga Rusia në Kreminna tregonin trupat që rregullonin flamurin e fitores në një ndërtesë të qeverisë ukrainase.https://assets.vlitag.com/plugins/safeframe/src/html/r.html
Kreminna ra nën kontrollin separatist të mbështetur nga Rusia dhe Rusia në fillim të kësaj jave, thanë zyrtarët ukrainas, raporton CNN.
Flamuri u vendos gjithashtu në krye të ndërtesës së këshillit rajonal në qytetin e pushtuar nga Rusia të Henichesk në provincën Kherson. Një statujë e ish-udhëheqësit sovjetik Vladimir Lenin u riinstalua përpara ndërtesës së këshillit në fillim të kësaj jave, ka raportuar më parë CNN.