Një sulm terrorist ka ndodhur në qytetin rus Ulyanovsk, ku një person i armatosur ka hyrë brenda një kopshti fëmijësh duke hapur zjarr me breshëri. Për pasojë, nga ky sulm kanë mbetur të vrarë të paktën tre persona, njofton agjencia e lajmeve “Interfax”.
Raportohet se viktimat e kësaj ngjarjeje janë 2 fëmijë dhe mësuesja, ndërsa pas krimit tronditës autori vrau veten.
Sipas Ria Novosti, e cila citon ish-guvernatorin e rajonit dhe anëtarin e Dumës së Shtetit, personi i armatosur dyshohet se vrau një mësues dhe dy fëmijë të mitur, ndërsa një grua tjetër është plagosur rëndë.
“Një burrë i armatosur ka hyrë në një kopsht fëmijësh dhe ka hapur zjarr. Sipas informacioneve të para dy fëmijë kanë vdekur”, deklaroi një burim i shërbimeve të ndihmës së parë për agjencinë publike të lajmeve TASS.