Një sulm rus me dronë ndaj një treni pasagjerësh në Ukrainën verilindore gjatë natës së kaluar la të vdekur të paktën pesë persona. Pamjet e publikuara nga vendi i ngjarjes tregojnë dy vagona të përfshirë nga flakët, mes një shine të mbuluar nga bora.
Presidenti Volodymyr Zelensky e konsideroi sulmin si terrorist, pa asnjë qëllim ushtarak, dhe u bëri thirrje aleatëve të shtojnë presionin mbi Moskën për t’i dhënë fund luftës.
“Çdo sulm i tillë rus dëmton diplomacinë që është ende në vazhdim dhe minon përpjekjet e partnerëve që po ndihmojnë për t’i dhënë fund kësaj lufte”.
Treni kishte qenë duke udhëtuar nga qyteti Chop i Ukrainës, pranë kufijve perëndimorë me Hungarinë dhe Sllovakinë, teksa në të ndodheshin më shumë se 150 pasagjerë.
Dy persona të tjerë u vranë dhe katër u plagosën në një sulm të dytë gjatë natës, kur një bllok banimi në rajonin e Kievit u godit me dronë.
Edhe Odesa, rajoni port i Ukrainës, ishte në shënjestër të sulmeve ruse për natën e dytë radhazi.
Goditjet e Moskës janë intensifikuar në ditët e fundit, në një kohë që negociatorët nga të dyja palët, të ndërmjetësuar nga SHBA-të, po bëhen gati të ulen sërish në bisedime këtë fundjavë në Abu Dhabi.
Dy persona të tjerë u vranë dhe katër u plagosën në një sulm të dytë gjatë natës, kur një bllok banimi në rajonin e Kievit u godit me dronë.