Lufta ruse në Ukrainë është në ditën e 212, por Shtetet e Bashkuara i kanë dërguar paralajmërime private Moskës prej muajsh, duke e paralajmëruar të mos përdorë armë taktike bërthamore gjatë konfliktit në Ukrainë.
Është gazeta “Washington Post”, e cila shkruan se Uashingtoni e ka lajmëruar udhëheqjen ruse se çdo përdorim i armëve atomike do të kishte pasoja të rënda.
Administrata e presidentit amerikan Joe Biden, ka vendosur të mbetet e paqartë për natyrën e këtyre pasojave, por ish-zyrtarët dhe oficerët e pensionuar kanë thënë për mediat se SHBA mund të reagojë ndaj përdorimit të armëve taktike bërthamore me sulme shkatërruese ndaj objektivave ruse.