Si një kundërpërgjigje ndaj sanksionve dhe aspak për kushte teknike, kompania shtetërore ruse Gazprom ka informuar se do të shkurtojë edhe më tej furnizimet ditore të gazit përmes gazsjellësit Nord Stream 1 në Gjermani.
Kompania përmendi si shkak “gjendjen teknike” të një turbine tjetër në tubacion dhe tha se nga 27 korriku do të ndalojë funksionimin e saj. Kjo do të shkaktonte rënien në 33 milionë metra kub gaz në ditë – gjysma e sasisë aktuale.
Gazprom rifilloi rrjedhën e gazit përmes Nord Stream 1 javën e kaluar pas një ndërprerjeje 10-ditore për arsye mirëmbajtjeje. Rusia tha se ishte e detyruar të ulte volumin për shkak të kthimit të vonuar të një turbine që po rregullohej në Kanada.