KreuRajon&BotaRusia ultimatum Perëndimit: Keni një javë kohë, po na humbet durimi

Rusia ultimatum Perëndimit: Keni një javë kohë, po na humbet durimi

Bisedimet mes Moskës dhe perëndimit kanë dështuar të përafrojnë qëndrimet mes palëve sa i takon cështjeve të sigurisë dhe veccanërisht tensioneve në Ukrainë. Në një konferencë për shtyp këtë të premte, ministri i jashtëm rus, Sergei Lavrov deklaroi se Rusisë i ka humbur durimi dhe pret përgjigje të shkruar lidhur me kërkesat për garanci të sigurisë brenda një jave.

“Nuk mund të presim në pafundësi që Perëndimi t’iu përgjigjet kërkesave tona. Na ka humbur durimi. Perëndimi po nxitet nga arroganca dhe ka përkeqësuar tensionet duke shkelur obligimet e tij. Rusia dëshiron zgjidhjen e mosmarrëveshjeve sa i përket sigurisë në Evropë përmes respektit dhe balancimit të interesave. Moska ka një sërë opsionesh për tu përgjigjur nëse refuzohen propozimet e sigurisë”, deklaroi Lavrov.

Deklaratat e shefit të diplomacisë ruse, vijnë një ditë pasi Shtëpia e Bardhë nënvizoi se kërcënimi për një pushtim të mundshëm të Ukrainës është i lartë. Kërkesat ruse kanë të bëjnë me ndalimin e zgjerimit të NATO-s nga lindja dhe mosdërgimin e trupave në Ukrainë apo në shtetet e tjera të ish-Bashkimit Sovjetik.Uashingtoni dhe aleatët i kanë kundërshtuar fuqishëm ato dhe kanë paralajmëruar Rusinë për pasoja të mëdha nëse sulmon Ukrainën.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

spot_img