“Bashkimi Europian pret që Serbia të përmbahet nga intensifikimi i marrëdhënieve me Rusinë”, tha Komisioni Europian për “Radion Europa e Lirë”, në lidhje me njoftimet jozyrtare në mediat serbe se media “Russia Today” planifikon të hapë një stacion televiziv në Serbi.
“RT është pjesë e instrumenteve të propagandës dhe dezinformimit rus me të cilat Kremlini monitoron agresionin e paligjshëm kundër Ukrainës dhe vrasjet e popullit ukrainas. Në këtë kontekst, ne presim që Serbia të përmbahet nga intensifikimi i marrëdhënieve me Rusinë, si një vend që shkel masivisht Kartën e Kombeve të Bashkuara dhe të drejtën ndërkombëtare”, tha Perer Stano, zëdhënës i BE-së për çështje të sigurisë dhe politikës së jashtme.
Që nga marsi i vitit 2012, Serbia është kandidate për anëtarësim në BE, dhe në përputhje me rrethanat, ka obligim të ndjekë vendimet e Brukselit për të përmbushur kushtet për anëtarësim.