Nënshkrimi i Cristiano Ronaldos vazhdon të bëjë që fansat nga e gjithë bota të ndjekin deri në vitin 2025 edhe Al Nassr-i e drejtuar teknikisht nga Rudi Garcia. CR7, pas divorcit nga Manchester United, do ta vazhdojë karrierën e tij në Arabinë Saudite me një pagë marramendëse prej rreth 200 milionë euro në vit.
Krahas komenteve, ironive dhe kritikave për zgjedhjen e portugezit, detaje të reja vijojnë të dalin mbi “jetën e re” të Cristiano Ronaldos, i cili, siç raporton “The Sun”, tashmë ka zgjedhur një shtëpi në Riad.
Kryeqyteti i Arabisë Saudite përmban lagje të shumta milionerësh. Nga të gjitha, dy lagjet kryesoret janë piketuar si vendqëndrim (shtëpi e re) e mundshme për Ronaldon dhe familjen e tij: Al Muhammadiyah, e cila krenohet me një jetë të pabesueshme nate dhe restorantet më të mira në qytet, ose është Al Nakheel, një zonë që përmban më të mirat shkolla ndërkombëtare për edukimin e fëmijëve.
Të dyja zonat janë afër stadiumit të Al Nassr, i njohur dikur si stadiumi i Universitetit të “King Saud” dhe me një kapacitet prej 25.000 vendesh. Për më tepër, këto janë dy lagje ideale për perëndimorët.
Shtëpitë në të dy zonat padyshim që do të mund të kënaqin kampionin portugez. Një nga shtëpitë e rishikuara nga “The Sun” është një rezidencë masive me tetë dhoma gjumi, pishinë, dhomë pritjeje me veçori ujëvare, plus tri vila më të vogla për mysafirët. Opsione të shumta ofrohen edhe për kamarierët dhe shoferët e banorëve.