Drejtori i Koorporatës Elektroenergjetike Shqiptare (KESH), Ergys Verdho, ka treguar shifrën e fitimeve për shitjen e energjisë gjatë këtyre ditëve që ka pasur reshje shiu.
Verdho tha në emisionin “Kontrast” se që nga dita e premte KESH ka arkëtuar 9 milionë euro nga shitja.
“Nga dita e premte deri më sot arkëtimi i KESH është 9 milionë euro. Duhet të theksoja se janë përdorur vetëm surpluset e ujit nga Komani dhe Vau i Dejës se Fierza ëhstë mbyllur. Të hënën e kaluar Fierza është mbyllur dhe kanë punuar vetëm 9 agregatet e poshtme, 4 në Koman dhe 5 në Vaun e Dejës.
Kemi shitur, dua të theksoj dhe shitjen e orëve të natës, konsumi natës është i vogël dhe ne dolëm në eksport për energjinë e natës, nga ora 0 deri në 6. Është energji e lirë dhe në bursë për shkak se të gjithë janë në gjumë dhe nuk ka konsum. dhe shkuam nga 60 euro deri në 133 euro dhe në një mesatare ne morën 82 euro, ama nuk lamë ujin të shkarkohej pa fituar lekë”, theksoi ai.