Saimir Tahiri ka fshikulluar në mënyrë indirekte dy pasardhësit e tij, Fatmir Xhafaj dhe Sandër Lleshaj. Në një prononcim për mediat pas vendimit të Gjykatës për Krimet e Rënda, Tahiri deklaroi se vijon të mbetet ministri më i suksesshëm.
“Nuk bëj politikë deri në momentin kur kjo çështje që më hapi politika të mbyllet. Çdo kusur që po përjetoj deri tani do ja dal deri në fund, nuk është dhe aq e kollajtë që të jem ose jo unë kurbani, nuk më shqetëson shumë kjo. Unë jam prapë ministri kampion të jeni të bindur, atë që kam bërë për policinë nuk mund t’i ktheni kurrë mbrapa. “, – tha Tahiri para gazetarëve pasi doli nga seanca maratonë gjyqësore. /tirananews.al