“Rruga “Valbona”, është premtimi ynë i mbajtur për njësinë administrative Rrashbull, ndërkohë që vazhdojmë me investime të tjera për mandatin e ardhshëm”.
Kryebashkiakja Emiriana Sako, njëkohësisht kandidate e Partisë Socialiste për bashkinë Durrës në takimin me banorët e zonës, tha se puna do të fokusohet në rehabilitimin e infrastrukturës, në ndërtimin e terreneve sportive, qendrën e re shëndetësore si dhe në një sërë investimesh të tjera me qëllim trasnformimin rrënjësor të kësaj zone.
“Ne jemi bashki që reagojmë ndaj kërkesave të komunitetit. Forcën më të madhe e kemi ballafaqimin me njerëzit dhe kur ballafaqohemi e kemi realizuar punët, kjo është shenjë serioziteti dhe vazhdimësie për të ardhmen. Kemi shumë plane. Në të gjithë njësitë administrative duam të bëjmë nga një terren sportiv, të bëjmë edhe qendrën shëndetësore. Është e rëndësishme mbështetja juaj për të vijuar punët për mandatin që vjen”, tha Sako.