Ish-kryeministri Sali Berisha është shprehur i bindur se në vitin 2025 do të kandidojë përballë Edi Ramës dhe do të fitojë zgjedhjet e përgjithshme.
Ai u shpreh në “Opinion” se e fton Ramën në debat televiziv, por edhe t’i bëjë testin për të treguar se IQ (koeficienti i inteligjencës) e Ramës është shumë e ulët.
Nëse zgjidheni kryetar i PD-së, ju do konkuroni me Edi Ramën në zgjedhjet e ardhshme?
Berisha: Absolutisht dhe do e mund Edi Ramën. Do ta mund me votën e lirë.
Do thonë njerëzit prapë Sali Berisha me Edi Ramën, s’ka ky vend njerëz të tjerë?
Berisha: Ky është rikthim dhe rikthimi nuk është dëshirë e Sali Berishës. Nuk është dëshirë personale, ka ardhur nga një kompleks rrethanash. Është një thirrje, Edi Rama është në largim.
Jeni në moshën 77 vjeçare, do konkuroni në moshën 81 vjeçare?
Berisha: Nëse më thua për moshën, të ftoj ty: E para, të bëj një debat televiziv me Edi Ramën; E dyta, të ftoj t’i bëjmë testin e Flintit dhe t’i tregoj shqiptarëve sa të ulët e ka ai IQ-në. Po ta shohësh ti Edi Ramën, vitet i kanë peshuar atij aq rëndë, sa s’la njeri në politikë që lajthit më shumë se ai.