Ish-kryeministri i vendit, Sali Berisha thotë se vajza e tij nuk ka marrë asnjë tender nga asnjë institucion kurrë në jetën e saj. I ftuar në emisionin “Opinion”, sipas Berishës, vajza e Edi Ramës ka 7 vite që nuk deklaron pasuritë dhe merr çdo javë e çdo muaj tendera.
Sali Berisha: Këtu është bërë e tmerrshme, këtu zyrtarët nga mëngjesi deri në darkë me në krye Edi Ramën… Kam një vajzë unë, ka një vajzë dhe ai dhe vajza ime në jetën e saj nuk ka marrë një tender në asnjë institucion kurrë, vajza e tij çdo javë e çdo muaj merr tendera, ndërkohë që Kushtetuta…
Fatjona Mejdini: Ka pasur akuza për fëmijët tuaj, ka pasur për studio konsulence, për favorizime…
Sali Berisha: Nëse vjen këtu me shpifje të tilla, mund ta bësh… Fëmijët e mi në të gjithë jetën e tyre nuk kanë përfituar përveç rrogës, vajza ime është pedagoge dhe djali im ka qenë 3 muaj në ndërmarrje dhe ka dalë në privat dhe asnjë qindarkë nga sektori publik dhe kanë deklaruar pasuritë e tyre 2 vite para se t’i kapë ligji për t’i deklaruar. Ka 7 vite që thjeshtra, që është vajzë në familje, nuk deklaron pasuritë, për tendera, të them unë me dhjetra tendera. Mjafton të shkoni në faqen e Prokurimeve Publike dhe të gjeni kompaninë “I riu” që është kompania e thjeshtrës dhe plus do ta gjeni si nënkontraktor.