Gjatë mbledhjes me grupin e tij në selinë blu, kryetari Sali Berisha ka hedhur akuza se ish-zyrtari i FBI-së, Charles McGonigal drekonte dhe darkonte me politikanë, gjykatës e prokurorë dhe përfshihej në procesin e vettingut.
“Kjo aferë është një aferë e tmerrshme për të cilën normalisht duhet të fliste drejtësia, por ajo është nën kontrollin e plotë të partisë së krimit, drejtësia është këtu nën kthetrat e Ramës. Dje, deputeti Bardhi dërgoi padi. Përgjigja ishte: na sill aktpadinë.
Drejtësia është pjesë e kësaj dosje, pasi McGonigal drekonte dhe darkonte jo vetëm me politikanë të inkriminuar si Taulant Balla, por edhe me gjykatës, prokurorë, merrej edhe me veting, ku të dëshironte Edi Rama”, tha Berisha.