Ndonëse i ka dedikuar gjithmonë mamasë fjalët më të ndjera, reperi i njohur, Stresi nuk ka hezituar të bëjë të njëjtën gjë dhe me babain në ditën e tij të lindjes. Reperi ka ndarë një foto të tij duke e falenderuar publikisht për gjithçka.
“Me pak fjalë, por me shumë dashuri. Urime për babin më të mirë në botë, ne nuk kemi fjalë për të falenderuar për gjithçka që me bërë e vazhdon të bësh për ne. Ishe mësuesi dhe shoqëruesi jonë gjatë gjithë ketyre viteve, shpresoj të jesh krenar me ne sepse ne vërtetë jemi shumë krenarë dhe me fat që të kemi një baba si ty. Këshillat e tua janë si melodia më e ëmbël për ne, ti je superheroi jonë i parë dhe ashtu vazhdon të mbetesh përherë. Babush fjalë ka shumë por asnjë e duhura për ta shprehur dashurinë dhe mirënjohjen që kemi për ty, thjesht faleminderit për gjithçka. Të paçim përherë, urime ditëlindjen, gëzofsh e festofsh edhe shumë të tjera pranë nesh. Të duam shumë”, ka shkruar Stresi në postimin e tij në ‘Instagram’.
Edhe ndjekësit e reperit kanë komentuar duke e uruar në këtë ditë speciale për të dhe babain e tij. Kujtojmë se deri më tani Stresi ka treguar se gëzon një raport shumë të ngushtë me mamanë e tij, të cilës i ka dedikuar edhe një këngë.