Deputeti Ervin Salianji deklaron se është i gatshëm të lërë funksionet në Partinë Demokratike, por edhe mandatin e deputetit, me qëllim që kjo forcë politike të bashkohet.
“Unë jam gati personalisht, nëse jepet një variant i caktuar për të bashkuar Partinë Demokratike, jo funksionin si nënkryetar grupi, por jam i gatshëm të lë mandatin për tu bashkuar PD. Të dalësh të marrësh përgjegjësi të caktuara, të diskutosh me kolegë dhe të hysh në përplasjet apo sulmet që bëhen nga qeveria për të përçarë PD nuk është privilegj. Është një kosto e caktuar, por ka disa njerëz që duhet ta bëjnë këtë. Ose ndryshe të dalin në protesta të dhe të rrëzojnë qeverinë”, tha Salianji në emisionin “Kjo Javë” në Neës24.
Teksa komentoi përjashtimin e 4 deputetëve të PD nga Grupi Parlamentar, ai tha se ishte një ndërhyrje brutale nga ana e Alibeajt, në një kohë që deputetët kishin ndërmarrë një nismë për t’u bashkuar.