Salianji për mandatin e Xhaçkës: Çfarë kuptimi ka tani? Deputetët e PS po trajtohen si të jenë të paprekshëm

Deputetii Rithemelimit, Ervin Salianji në Këshillin për Rregulloren, Mandatin dhe Imunitetin, ku po shqyrtohet çështja për konstatimin e pavlefshmërisë dhe mbarimin e mandatit të deputetes Olta Xhaçka, tha se PS e sorollati çështjen dhe tani nuk ka më asnjë kuptim, pasi mandati i Xhaçkës është duke mbaruar. Salianji theksoi se është e disata herë që PS bëhet mburojë e paligjshmërisë dhe i trajton deputetët e vet sikur janë të paprekshëm nga ligji.

”Të flasin për kushtetutë kolegët që kemi përballë dhe që ia ka marrë Kushtetuesja dhe ia ka hedhur në kosh vendimmarrjen, duke e shfuqizuar vendimin e këtij këshilli dhe që Kushtetuesja vlerëson se në rastin konkret kuvendi duht të kishte pranuar mocionin e kërkuesit dhe jo ta bllokonte është pak e tepërt.

Lexo edhe :

Që ta kuptojnë njerëzit, ju e keni mbajtur peng kur ne ishim këtu, për muaj me radhë shqyrtimin e kërkesën. E keni shtyrë për të bërë atë që keni zanat të bëni. Këtu nuk janë të gjithë barabartë para ligjit, këtu kush është përfaqësues i PS është më i barabarta para ligjit. Thelbi i kësaj është grusht shteti. Grushti i shtetit nuk është vetëm me armë, është edhe brenda institucioneve. Jua ka thënë kryetarja e Gjykatës Kushtetuese. E keni bërë aq baltë që edhe kryetarja e Kushtetueses, ju thotë që është e pamendueshme që kuvendi apo cdo institucion të gjykojë vendimet e gjykatës.

Mbaroi mandati. Ndërkohë që ju e sorollatët dhe e sollët rrotull duke shkelur edhe Kushtetutën, do ta cojmë ne këtë raport në seancë, pastaj Kuvendi do t’ia Kushtetueses, erdhën zgjedhjet mbaroi mandati, ca efekti ka ligji këtu. Ështe rasti i disatë që PS bëhet mburojë e paligjshmërisë dhe i trajton deputetët e vet, sikur të jenë të paprekshëm nga ligji.

Ndërkohë që propagandoni që ju jeni njerëzit që zbatoni vendimet e gjykatave, që ju jeni partia që po i jepni bonuse drejtësisë, por në të vërtetë ju jeni partia që po i bëni bllokadë diku e përdorur drejtisinë dhe institucione të tjera për të treguar që në këtë vend nuk ka barazi para ligjit. Ju tani do ta miratoni raportin, se s’keni çfarë bëni, ndërkohë që mandati ka përfunduar dhe drejtësi nuk ka”.