Deputeti demokrat Ervin Salianji e ka cilësuar një zhvillim pozitiv vendimin e SPAK për urdhër-arrestin e lëshuar ndaj Vangjush Dakos dhe ish-zyrtarë të tjerë të Bashkisë së Durrësit.
“Pavarësisht se i vonuar, arrestimi i Vangjush Dakos është zhvillim pozitiv për rritjen e fuqisë goditëse dhe hetimeve të SPAK tek personat me pushtet politik dhe lidhje me qeverinë! Drejtësia e vonuar është drejtësi e mohuar, ne kemi denoncuar prej vitesh abuzimet skandaloze, korrupsionin masiv, deformimin e vullnetit të zgjedhësve, shkatërrimin e zgjedhjeve, betonizimin e Durrësit, shpërblimin e grupeve kriminale me ofiqe qeveritare dhe pasuri publike”, thotë ndër të tjera Salianji.