Ministrja e Infrastrukturës dhe Energjisë Belinda Balluku në një dalje për mediat iu përgjigj deklaratës së përfaqësuesve të konçesionarit të Rinasit një ditë më parë, që sipas ministres nuk kanë qenë të rakorduar me krerët e kompanisë kineze në Hong Kong.
Për këtë ajo tha se ka thirrur në Tiranë përfaqësuesit më të lartë të kësaj kompanie.
Por çfarë i ishte kërkuar konkretisht konçesionarit?
“Konçesionarit i është kërkuar të identifikohen makinat e aroporit përmes çipeve dhe një sallë kotnrolli që në momentin që preket gardhi të sinjalizohen për këtë problem.(…) Këto të ardhura nuk janë përdorur as për të rritur sigurinë e aeroportit siç është kërkuar zyrtarisht nga organet mbikqyrëse. I vetmi investim janë parkingjet, t’i shtojë ata dhe të vjelë fitime të lehta duke harruar objektivin kyesor të sipërmarrjes së tyre”, tha Balluku.
Ajo tha se detyrat që i janë lënë kompanisë konçesionare kanë rënë në vesh të shurdhër, duke pasur masa sipërfaqësore dhe të pamjaftueshme. “Fatkeqësisht gjetjet dhe detyrat që i janë lënë komanisë konçesionare dhe i referohem periudhës nga korriku 2016, pas grabitjes së parë në pistën e këtij aeroporti kanë rënë në vesh të shurdhër, masa sipërfaqësore dhe të pamjaftueshme. Kontratë kjo që nuk i lënë hapësirë shtetit për të penalizuar kompaninë kineze dhe për ta bërë të ndërgjegjshme për dëmin që i ka shkaktuar Shqipërisë në të gjitha aspekteve, financiar, sigurinë kombëtare dhe imazhit”, vijoi ministrja.