Edith Gonzalez ishte një nga aktoret më të pëlqyera spanjolle, e njohur nga publiku shqiptar për rolin e saj si Salome. 3 vjet më parë ajo u diagnostifikua me sëmundjen e rëndë të kancerit dhe ditën e sotme e ka humbur ‘luftën’, në moshën 54-vjeçare. Lajmin e ka konfirmuar mikesha e saj, aktorja Leticia Calderon, në një status në ‘Twitter’ ku shkruante: “Edith, do të na marrë malli për ty. Nuk ka dhimbje më të madhe se ajo që po ndjen nëna jote në këto momente”.
Gonzalez lindi në Monterrey, Nuevo Leon, në datën 10 dhjetor 1964. Shumë kolegë, miq dhe familjarë kanë shprehur ngushëllimet e tyre ndaj familjes, e cila ka qenë mbështetja e saj më e madhe gjatë periudhës së operacioneve të shumta. Kujtojmë se Gonzlez ka një vajzë 15-vjeçare, ndërsa në vitin 2010 u martua me Lorezo Lazo Margain.
