Situata politike në Shqipëri nuk mbetet jashtë vëmendjes së fqinjëve, teksa i fundit prej tyre që ka folur është numri dy i qeverisë italiane, njëkohësisht dhe ministër i Brendshëm, Mateo Salvini.
I pyetur nga gazetarët për aktualitetin shqiptar, Salvini është shprehur se ka folur me presidentin Meta, dhe se po tenton të flasë me palët për të evituar atë që ai e cilëson konflikt që mund të shkojë në përplasje civile.
“Kam biseduar edhe me presidentin e Shqipërisë Ilir Meta, pasi të dielën Shqipëria rrezikon shumë, sepse është një konflikt që mund të shkojë në një përplasje civile, siç është parë edhe në javët e fundit. Janë duke u mbajtur zgjedhje vendore nga ana e kryeministrit, por qe janë anuluar nga presidenti i Republikës.
Nderkohe janë tërhequr partitë e opozitës dhe në zgjedhje merr pjesë vetëm Partia Socialiste që është në qeveri. Jam duke kërkuar që të komunikoj me të gjitha palët, për të evituar një përplasje, sepse Shqipëria është partnere kulturore, ekonomike, komerciale me Italianë, por jo vetem.
Duhet të kujtojmë njerëzit që emigrojnë dhe këtu duhet që të kujtojmë skenat e viteve ’90 dhe nuk do doja që të ktheheshin, pasi kemi mjaft probleme me te tjere, dhe nuk do donim që të shkonim në fronte të tjera”, ka thënë Salvini.