Ish-deputetja demokrate, Grida Duma përmes një postimi në facebook ka komentuar Samitin e Berlinit ku liderët e Ballkanit Perëndimorë u takuan me kancelaren Angela Merkel dhe Presidentin Emmanuel Macron.
Duma shkruan se lajmi i keq që mori Shqipëria në këtë Samit po mbahet i fshehtë.
Ish-deputetja ka thënë se të gjitha sinjalet tregojnë se Shqipërisë nuk do t’i hapen negociatat në qershor.
“Ti fshihesh të keqes duke gënjyer popullin tënd, nuk e eliminon të keqen, as nuk i shpëton shqiptarët.
Shqiptarëve në Shqipëri u takon ti dëshmojnë vetes, ashtu dhe të tjerëve, që çelësi i integrimit të tyre është në Tiranë; ky çelës nuk ka humbur as në Evropë, as në ankesat për populizmin dhe nacionalizmin evropian, as në raportet e policisë hollandeze për trafikun e drogës.
Çelësi i integrimit të shqiptarëve është vjedhur e mbahet peng nga interesa individësh që kanë pushtet, që uzurpojnë politikën, ekzekutivin, gjyqësorin, legjislativin”,shkruan Duma.