Sapo ishte vënë në pranga, i arrestuari ‘rrëmben’ një armë në komisariatin e policisë dhe qëllon dy efektivë

Dy oficerë policie u plagosën rëndë të enjten mbrëma pas të shtënave. Ngjarja u regjistrua në një stacion policor në Paris ku një burrë i mori armën e shërbimit një polici dhe hapi zjarr. Ngjarjet u zhvilluan pak para orës 22:30 ndërsa sulmuesi sapo ishte arrestuar. Oficerët po i nënshtronin një kontrolli trupor kur sulmuesi veproi ndaj tyre. Dy efektivët e policisë u transportuan në spital, ku u shtruan në repartin e terapisë intensive.