Pas ndarjes së shumëpërfolur mes blogeres Sara Hoxha dhe reperit Ledri Vula, një detaj i vogël ka tërhequr menjëherë vëmendjen e ndjekësve. Sara ka postuar së fundmi një foto të vajzës së tyre, Poem Blu, ku në qafën e saj vihet re një etiketë që mban mbiemrin “Hoxha” dhe jo “Vula”. Ky detaj ka nxitur pyetje në rrjetet sociale: mos ndoshta Sara ka vendosur t’i japë vajzës së saj mbiemrin e familjes së saj?
Kujtojmë se Sara së fundmi konfirmoi publikisht ndarjen nga Ledri, duke mos dhënë shumë detaje, por duke pranuar se “është në një periudhë të re të jetës”. Ndërkohë, në rrjetet sociale, Ledri ka bërë bujë me romancën e re me Rina Zaiti, teksa janë parë së bashku në Londër. Kjo ka qenë një shenjë e qartë që për ish-çiftin nuk ka më kthim pas, pasi të dy kanë ndaluar së ndjekuri njëri-tjetrin në Instagram.
Pas një periudhe krizash dhe spekulimesh, ndarja e tyre është tashmë zyrtare, ndërsa vendimi i Sarës për mbiemrin e vajzës duket si një sinjal për të lëvizur përpara. Ajo po ashtu është shpërngulur të jetojë në Tiranë me të bijën.
