Një person humbi jetën dhe dy të tjerë ngelën të plagosur si pasojë e një aksidenti në mëngjesin e sotëm në Sarandë. Ngjarja ndodhi në orët e para të ditës në fshatin Mursin. Nga informacionet e marra, një makinë tip “Mercedez Benz” e drejtuar nga një 21 vjeçar doli nga rruga dhe goditi re këmbësorë.
Si pasojë humbi jetën një 35 vjeçare me inicialet L.B, ndërkohë që dy shtetas të tjerë mbetën të dëmtuar. Policia raporton se po kryhen hetimet në lidhje me përcaktimin e shkakut.
Njoftimi i policisë
Më datë 04.01.2019, rreth orës 09:20, në afërsi të liqenit në fshatin Mursi, automjeti “Benz-2500” me drejtues shtetasin O.M, 21 vjeç, ka dalë nga rruga dhe ka goditur 3 këmbësorë, ku si pasojë shtetësia L.B, 35 vjeçe ka ndërruar jetë në vend ndërsa dy shtetasit e tjerë S.S 33 vjeç dhe G.S, 38 vjeç, kanë mbetur të dëmtuar.
Grupi hetimor ndodhet në vendin e ngjarjes duke kryer hetimet në lidhje me përcaktimin e shkakut dhe të sqarimit të rrethanave.