Ka dalë sot para togave të zeza të Gjykatës së Sarandës, 41-vjeçari Marjo Sinani i arrestuar tre ditë më parë si i dyshuar për vendosjen e zjarrit në zyrën noteriale të Aleko Anagnostit në Sarandë.
Në seancën e drejtuar nga Fatmir Ndreu, 41-vjeçari ka pranuar se është autori i zjarrvënies në zyrën e Anagnostit, i cili ndodhet gjithashtu në paraburgim.
“Më ka vendosur një person për të vënë zjarrin, por nuk e njoh atë”, mësohet të jetë shprehur Sinani. Prokurori Ilir Hoxha ka kërkuar masën e sigurisë “Arrest në burg” e cila është lënë në fuqi edhe nga Gjyqtari Fatmir Ndreu.
Nga ana tjetër Sinani, mësohet se është mbrojtur nga avokatja Leze Zisi.