Policia Kufitare e Sarandës ka bllokuar dy mjete lundruese Jet Ski, pasi u konstatuan duke lundruar brenda perimetrit të sigurisë, në zonat e frekuentuara nga pushuesit.
Gjatë patrullimeve në Gjirin e Sarandës, shërbimet e Policisë evidentuan një Jet Ski që kishte hyrë në zonën e rezervuar për notuesit, duke shkelur rregullat e sigurisë në det.
Një tjetër rast u konstatua në Gjirin e Ksamilit, ku një Jet Ski u kap duke lundruar brenda perimetrit të sigurisë, në kundërshtim me rregullat në fuqi.
Në përfundim të veprimeve administrative, të dy mjetet lundruese u shoqëruan dhe u bllokuan në Portin e Sarandës.
Ndaj poseduesve të tyre, shtetasve R. A. dhe R. P., Policia vendosi masa administrative me vlerë 500 mijë lekë të rinj secilit, për shkeljen e rregullave të lundrimit dhe cenimin e sigurisë së pushuesve