Pas 210 ditëve luftë në Ukrainë, Presidenti rus, Vladimir Putin, do i drejtohet popullit të tij për herë të parë me një fjalim. Ai do të komentojë referendumet që do të mbahen në rajonet e Donetsk, Lugansk dhe Kherson dhe në një pjesë të Oblastit Zaporizhzhia.
“Putini do të heqë dorë nga agresioni i tij imperialist vetëm nëse e kupton se nuk mund të fitojë”. Kështu deklaroi kancelari gjerman, Olaf Scholz, në fjalimin e tij në Asamblenë e Përgjithshme të OKB-së.
‘Kjo është arsyeja pse ne duhet të ndihmojmë Ukrainën për të mbrojtur veten. Veprimi i Putinit është i pajustifikueshëm, ai është i motivuar vetëm nga dëshira e tij për të pushtuar Ukrainën. Ne nuk do të pranojmë një paqe të diktuar nga Putin. Ukraina duhet të jetë në gjendje të mbrohet”.