Getoar Selimi është një nga reperët më të komentuar në vend edhe për shkak të ‘look-ut’ të tij. Në intervista të ndryshme, partnerja e tij, Marina Vjollca është shprehur se mjekra e personifikon tashmë dhe se është një tipar dallues për të.
Pavarësisht se Selimi nuk ka eksperimentuar shpesh me pamjen e tij, duket se këtë fundvit ai ka zgjedhur të vijë ndryshe në spektaklin e ‘Klanifornia’. Ka qenë aktori i humorit, Albano Bogdo i cili e ka zbuluar ‘look-un’ e reperit në shfaqjen e 31 dhjetorit.
“Ismail Qemali nga Prishtina dhe Isa Boletini nga Vlora. Na ndiqni mbrëmjen e Vitit të Ri”, ka shkruar Albano krah fotos së fundit të publikuar në ‘Instagram’.
Kujtojmë se ky është ndër ‘look-et’ e rralla me të cilat Getoari është shfaqur, duke u futur në rol së bashku me të gjithë aktorët. Nuk dihet ende se çfarë surprizash të tjera ka përgatitur ‘Klanifornia’ për ndërrimin e viteve, megjithatë producenti i tij, Turjan Hysko ka premtuar se do të jetë një natë spektakli.