Kongresisti Eliot Engel hapi seancën dëgjimore në Kongresin Amerikan kushtuar krimeve të luftës në Kosovë dhe përpjekjet për të vendosur drejtësi.
Ai numëroi një numër krimesh, si ai i përdorimit të dhunës seksuale sim jet lufte nga serbët në Kosovë si dhe dukurinë e fshehjes në Serbi nga regjimi i Millosheviqit i trupave të të vrarëve nga Kosova.
Është e pabesueshme tha ai, që 20 vjet më vonë, as edhe një njeri, nga qeveria serbe që u përfshi në fshehjen e krimeve, nuk është dënuar. Asnjë nga autorët e 20,000 përdhunimeve gjithashtu nuk është dënuar.
Është e turpshme tha Engel që ne në Perëndim e detyruam Kosovën të pranojë krijimin e një Gjykate Speciale, ndërkohë që ka munguar presioni mbi Serbinë për të dënuar këta njerëz.
Ai tha se nga ana tjetër ka një ngushëllim në këtë drejtim.
Vendimi është marrë për krimet e kryera në territorin e Kosovës. Deri tani kjo Gjykatë është marrë vetëm me krimet e shqiptarëve.
Po tani po kjo gjykatë mund të përdoret pikërisht për këto krime të serbëve që nuk u dënuan në Serbi apo në Hagë.
Kongresisti Engel premtoi se Komiteti i Punëve të Jashtme të Dhomës së Përfaqësuesve që ai drejton, do të ndjekë me kujdes zhvillimet për të kërkuar nga gjykata që krimet e pandëshkuara të serbëve në Kosovë të përballen me drejtësinë.