Seanca gjyqësore për vrasjen e ish-policit Santiago Malko kundrejt dy të dyshuarve Ilir Selmani dhe Elvis Gacit është shoqëruar me debate dhe tensione. I pranishëm në sallë ishte edhe i dënuari me 25 vite burg për këtë ngjarje, Blendi Teta.
E ëma dhe motra e viktimës kanë shpërthyer kundrejt të dënuarit.
Bukurije Malko iu drejtua Blendi Tetës me fjalët “maskara, më vrave djalin”. Situata u tensionua aq sa u nevojit ndërhyrja e gjyqtares së çështjes, Atalanta Zeqiri.
Blendi Teta kërkoi para trupës gjykuese mbrojte për gruan dhe fëmijët e tij, me argumentin se u “janë kërcënuan vazhdimisht dhe po kërcënohen nga zonja dhe banda mbrapa saj”.
Kjo kërkesë ka revoltuar motrën e Santiago Malokos, e cila ka shpërthyer në lot duke bërtitur e fyer Tetën, çka bëri që policia e burgjeve ta nxirrte me forcë nga salla e gjyqit në mënyrë që të vijonte seanca normalisht.