Prokurorët anti-korrupsion në Austri, kanë bastisur këtë mëngjes zyrën e kryeministrit Sebastian Kurz. Gjithashtu, janë bastisur zyrat e këshilltarëve të tij të ngushtë dhe selia e partisë konservatore në Vjenë.
Sipas agjencisë së shtypit APA, bastisjet u kryen në bazë të akuzave Kurz dhe Partia e tij Konservatore e Popullit (PVP) korruptuan pronarin e gazetës Wolfgang Fellner në publikimin e sondazheve në dobi të kancelarit (kryeministrit).
Prokurorët dyshojnë se sondazhet janë paguar nga ministria e financave, e cila gjithashtu udhëhiqet nga PVP. Shtëpia botuese Fellner Mediengruppe sterreich reagoi me shpejtësi, duke pretenduar se hetimet u bazuan në “keqkuptime të rënda”.
Gjatë ditëve të fundit, konservatorët austriakë kishin spekuluar në mënyrë të përsëritur për sulmet eventuale në zyrat e tyre, duke i denoncuar në mënyrë paraprake si përpjekje të qëllimshme për të dëmtuar partinë dhe kancelarin.
Javën e kaluar, zëvendës-sekretari i përgjithshëm i PVP Gaby Schwarz tha gjatë një konference për shtyp se “do të ketë bastisje”, duke shtuar, “Unë po ju them, asgjë nuk do të gjendet.